నల్లగుట్ట డెక్కన్ స్పోర్ట్స్‌ షాపులో అగ్నిప్రమాదం

సికింద్రాబాద్‌లోని నల్లగుట్ట వద్ద గురువారం ఘోర అగ్నిప్రమాదం సంభవించింది. నల్లగుట్టలోని డెక్కన్ స్పోర్ట్స్ షాపులో ఈ ప్రమాదం జరిగింది. షాపులో ఒక్కసారిగా మంటలు చెలరేగడంతో షాపు మొత్తం కాలిపోయింది. సమాచారం తెలుసుకున్న అగ్నిమాపకదళ సిబ్బంది అక్కడకు చేరుకుని మంటలను ఆర్పుతున్నారు. 

అయితే, ఈ మంటల్లో ముగ్గురు వ్యక్తులు చిక్కుకునివున్నట్టు వార్తలు వస్తున్నాయి. అలాగే, ఈ ప్రమాదానికి కారణం తెలియాల్సివుంది. షార్ట్ సర్క్యూట్ కారణంగానే ఈ ప్రమాదం జరిగివుంటుందని భావిస్తున్నారు. మరోవైపు, అగ్నిప్రమాదం కారణంగా ఆ మార్గంలో వాహనాల రాకపోకలకు తీవ్ర అంతరాయం ఏర్పడింది.