భూపాలపల్లి జిల్లా అంబటిపల్లిలో రాహుల్ గాంధీ పర్యటించారు. మేడిగడ్డ ప్రాజెక్టును రాహుల్ పరిశీలించారు. మహదేవపూర్ మండలం అంబటిపల్లిలో నిర్వహించిన మహిళా సాధికారత సదస్సుకు రాహుల్ గాంధీ హాజరయ్యారు. మహానుభావుల తెలంగాణకు, ప్రజల తెలంగాణకు మధ్య ఎన్నికలు అని పేర్కొన్నారు.
బీజేపీ, బీఆర్ఎస్, ఎంఐఎం ఒకవైపు, కాంగ్రెస్ మరోవైపు ఉన్నాయన్నారు. ప్రధాన పోటీ బీఆర్ఎస్, కాంగ్రెస్ మధ్యే ఉందన్నారు. బీఆర్‌ఎస్‌కు బీజేపీ, ఎంఐఎం మద్దతు పలుకుతున్నాయన్నారు. ఎన్నికల్లో కాంగ్రెస్‌కు సంపూర్ణ మద్దతు ఇవ్వాలని, బీఆర్‌ఎస్‌ను గద్దె దించాలని ప్రజలకు పిలుపునిచ్చారు.
