తెలంగాణా రాష్ట్రంలోని వికారాబాద్‌లో ఓ గేదె రెండు తలల దూడకు జన్మనిచ్చింది. ఈ దూడకు రెండు తలలతో పాటు రెండు నోళ్లు, నాలుగు కళ్లు, నాలుగు చెవులు, నాలుగు కాళ్లతో ఒకటే శరీరం ఉండటంతో ఇది వింతగా వుంది. ఈ వింత ఘటన విచిత్రంగా జన్మించిన దూడను చూసేందుకు స్థానికులు క్యూకడుతున్నారు.
బషీరాబాద్‌ మండలం జీవన్గి గ్రామానికి చెందిన వీరారెడ్డి అనే రైతుకు ఉన్న పశువుల్లో ఓ గేదె ఈతకు ఇబ్బంది పడుతుంటే పశువైద్యుడికి సమాచారం అందించాడు. వైద్యుడు వచ్చి గేదెను పరీక్షించి కడుపులో రెండు తలలున్న దూడ ఉందని గ్రహించి, జాగ్రత్తగా దూడను కడుపులోంచి తీశారు.
