బాహుబలి సినిమాకు ప్రపంచ వ్యాప్తంగా గుర్తింపు లభించిన నేపథ్యంలో.. కొద్దిరోజుల్లోనే బాహుబలి రూపంలో టీవీ సిరీస్ రాబోతుంది. సెప్టెంబరులో చైనాలో బాహుబలి విడుదల కానుంది. చైనాలో దంగల్ రికార్డును బాహుబలి బ్రేక్ చేస్తుందా అనే దానిపై నెట్టింట్లో చర్చ మొదలైంది. ఈ నేపథ్యంలో బాహుబలి టీవీ సిరీస్ టీవీ ప్రేక్షకులను పెద్ద ఎత్తున ఆకట్టుకోనుందని సినీ పండితులు అప్పుడే జోస్యం చెప్పేస్తున్నారు.
బాహుబలి టీవీ సిరీస్‌కు సంబంధించిన పనులు వేగవంతంగా సాగుతున్నాయని.. ఇందుకు సంబంధించి ఓ మల్టీనేషనల్ కంపెనీతో బాహుబలి మేకర్స్ చర్చలు జరుపుతున్నారని సమాచారం. అయితే దర్శకత్వ బాధ్యతలు చేపట్టకుండా రాజమౌళి పర్యవేక్షణకు మాత్రమే పరిమితం అవుతారని తెలుస్తోంది. ఐతే రాజమౌళి పేరును మాత్రం కంపెనీ వినియోగించుకుంటుందని సమాచారం.
