కమెడియన్‌గా తెలుగు సినీ పరిశ్రమలో అడుగుపెట్టి ఆ తరువాత హీరోగా మారిపోయిన వ్యక్తుల్లో సునీల్ ఒకరు. కమెడియన్‌గానే సునీల్‌ను తెలుగు ప్రేక్షకులు బాగా గుర్తించారు. కానీ హీరోగా ఆదరించలేకపోయారు. హీరోగా సునీల్ చేసిన సినిమాలు కొన్ని హిట్టయినా ఆ తరువాత ఛాన్సులు లేకుండా పోయాయి. దీంతో కమెడియన్‌గానే సెటిలవ్వాలన్న నిర్ణయానికి వచ్చేశారట సునీల్.
అందుకే హీరోగా ఎవరు ఇప్పుడు ఇంటికొచ్చి మాట్లాడినా మీకు దణ్ణం బాబు. నాకు హీరో ఛాన్సులు వద్దు. కమెడియన్‌గానే చేస్తానంటూ చెబుతున్నాడు. దీంతో సునీల్‌కు అవకాశాలు తన్నుకొస్తున్నాయట. అల్లరి నరేష్‌ నటిస్తున్న సినిమాలో సునీల్‌కు సెకండ్ ఇన్సింగ్స్ కమెడియన్‌గా అవకాశం వస్తోందట. అలాగే దర్శకుడు శ్రీను వైట్ల నిర్మిస్తున్న అమర్ అక్బర్ ఆంటోని సినిమాలోను, త్రివిక్రమ్ చిత్రీకరిస్తున్న అరవిందసమేత సినిమాలో అవకాశాలు వచ్చాయట. గతంలోలా హీరోగా 4 కోట్ల రూపాయల రెమ్యునరేషన్ కాకుండా కేవలం కోటి రూపాయలు మాత్రమే రెమ్యునరేషన్‌ను సునీల్ తీసుకుంటున్నారట.
అయితే హీరోగా కాకుండా కమెడియన్‌గా నటించడానికి సునీల్‌కు సిక్స్ ప్యాక్ అడ్డొస్తోంది. గతంలోలా పొట్ట ముందుకు వేసుకుని కమెడియన్‌గా కనిపించాల్సి అవసరం వచ్చింది. దీంతో సునీల్ మళ్ళీ తిరిగి అలా అవ్వాలా అంటూ కన్నీరుమున్నీరు అవుతున్నాడట. గత రెండురోజులకు ముందు కుటుంబ సభ్యులతో ఇదే విషయాన్ని చెప్పుకుని కన్నీళ్ళు కూడా పెట్టుకున్నాడట సునీల్.
