స్టైలిష్‌ స్టార్ అల్లు అర్జున్. యువ కథానాయకుల్లో ముందుకు దూసుకుపోతున్న హీరో. మాస్ హీరోగా అల్లు అర్జున్ పేరు సంపాదించుకున్నారు. అయితే భారీ హిట్లు మాత్రం పెద్దగా అల్లు అర్జున్‌కు లేవు. రామ్ చరణ్ కన్నా ముందు నుంచే అల్లు అర్జున్ సినిమాల్లో ఉన్నారు. కానీ రామ్ చరణ్‌‌కు ఎన్నో హిట్లు ఉన్నాయి. అందులోను భారీ హిట్లే. ఇది అందరికీ తెలిసిన విషయమే. మగధీర సినిమాతో రామ్ చరణ్ రేంజ్ ఎక్కడికో వెళ్ళిపోయింది. అలాంటి సినిమానే తీసి తన కుమారుడి రేంజ్ పెంచాలన్నదే అల్లు అర్జున్ తండ్రి అల్లు అరవింద్ ఆలోచన.
ఇదే విషయాన్ని రాజమౌళికి చెప్పారట అల్లు అరవింద్. మంచి కథతో అర్జున్ మైలేజ్ ఒక్కసారిగా పెరగాలని అరవింద్ కోరారట. సమయం, ఖర్చు ఎంతయినా ఫర్వాలేదు సినిమా మాత్రం బ్రహ్మాండంగా ఉండాలని అన్నారట. అల్లు అరవింద్ లాంటి గొప్ప నిర్మాత అడిగితే రాజమౌళి కాదంటారా.
అయితే ఐదు సంవత్సరాల పాటు బాహుబలి-1, బాహుబలి-2 సినిమాతో ఎక్కువ సమయాన్ని కేటాయించిన రాజమౌళి కొన్ని నెలల పాటు విశ్రాంతి తీసుకోవాలన్న ఆలోచనలో ఉన్నారట. మంచి కథను ఆలోచించి కొద్దిగా గ్యాప్ తరువాత షూటింగ్ ప్రారంభిద్దామని, అయితే సినిమా తీయడం మాత్రం ఖాయమని అల్లుకు హామీ ఇచ్చారట రాజమౌళి. చిరంజీవి ప్లేస్ కోసం బన్నీ లుక్కేస్తున్నాడా... చూడండి వీడియోను...
