2002లో విడుదలైన మన్మథుడు సినిమా బంపర్ హిట్ అయిన సంగతి తెలిసిందే. ఈ సినిమా ద్వారా టాలీవుడ్ అగ్ర హీరో అక్కినేని నాగార్జున ఖాతాలో హిట్ పడింది. ఈ సినిమా తర్వాత నాగార్జునను టాలీవుడ్ మన్మథుడు అంటూ ముద్దుగా పిలుచుకుంటున్నారు. కె విజయ్ భాస్కర్ దర్శకత్వంలో మన్మథుడు అనే మూవీ తెరకెక్కగా ఇందులో నాగార్జున, సోనాలి బింద్రే, అన్షు ప్రధాన పాత్రలు పోషించారు.
ఈ చిత్రానికి ఇప్పడు టాప్ డైరెక్టర్స్‌లో ఒకరిగా ఉన్న త్రివిక్రమ్ శ్రీనివాస్ కథ మరియు మాటలు అందించాడు. రాక్ స్టార్ దేవి శ్రీ ప్రసాద్ సంగీతం అందించాడు. తాజాగా ఈ సినిమాకు సీక్వెల్ రానుంది. ఇందులో నాగార్జున హీరోగా నటిస్తుండగా, నాగ్ సరసన పాయల్ రాజ్‌పుత్ నటిస్తోంది. మరో కథానాయిక కోసం చిత్ర యూనిట్ ఎంపిక చేసే పనిలో వుంది.
ఈ నేపథ్యంలో సినిమాలో నాగార్జున సతీమణి, సినీ నటి అమల అతిథి పాత్రలో కనిపించనుందట. ఈ సినిమాకి రాహుల్ రవీంద్రన్ దర్శకుడిగా వ్యవహరించనున్నాడు. త్వరలోనే ఈ సినిమాను సెట్స్ పైకి తీసుకెళ్లడానికి సన్నాహాలు జరిగిపోతున్నాయి.
