పాత హీరోతోనే మళ్ళీ జతకట్టేందుకు రెడీ అవుతోంది.. అమలాపాల్. ఇప్పటికే అమలాపాల్ నటించిన వీఐపీ2, భాస్కర్ ఒరు రాస్కెల్ అనే రెండు తమిళ సినిమాలు విడుదలకు రెడీ అవుతున్నాయి. తాజాగా నివిని పాలితో అమ్మడు జతకట్టనుంది. నివిన్ పాలి- అమలా పాల్ ''మిలి" అనే సినిమాలో 2015లో నటించారు. తాజాగా వీరిద్దరూ మరో సినిమాలో నటించనున్నారు.
19వ శతాబ్ధంలో జీవించిన ఓ వ్యక్తి కథ ఆధారంగా ఈ సినిమా రూపుదిద్దుకోనుంది. రియల్ ఘటన ఆధారంగా ఈ సినిమా తెరకెక్కనుంది. ఇందులో హీరోయిన్‌గా అమలా పాల్ నటించనుంది. హైవేలో ప్రయాణించే ధనికుల నుంచి నగదు దొంగలించి.. పేదలకు ఇచ్చే వ్యక్తిగా నివిన్ పాలి నటిస్తుండగా.. ఆతనిని ప్రేమించే అమ్మాయిగా అమలా పాల్ నటిస్తోంది.
