లాస్య-శ్రీముఖి- రవిల గురించి ప్రత్యేకంగా చెప్పాల్సిన అవసరం లేదు. వీరు ముగ్గురే ప్రస్తుతం యాంకరింగ్లో బుల్లితెరపై దుమ్ముదులిపేస్తున్నారు. సోషల్ మీడియాలో యాక్టివ్గా ఉన్న రవి ఇటీవలే లాస్య-శ్రీముఖిలతో లింకు పెట్టి వస్తున్న వార్తలను కొట్టిపారేశాడు. వారు మంచి ఫ్రెండ్స్ అంటూ క్లారిటీ ఇచ్చాడు. ప్రస్తుతం తాజాగా యాంకర్ రవి ఓ లైవ్ చాట్లో పాల్గొన్నాడు. అభిమానులు అడిగిన బుల్లెట్లాంటి ప్రశ్నలకు డైరెక్ట్గా సమాధానాలిచ్చేశాడు.
‘శ్రీముఖిని లవ్ చేస్తున్నారా?’ అని ఓ నెటిజన్ ప్రశ్నించగా..‘బుద్ధున్నోడు ఎవడైనా చేస్తాడా?’ అంటూ ఫక్కున నవ్వాడు. ఇక, ‘యాంకర్ శ్రీముఖితో నీకు అఫైర్ ఉందంటూ చాలామంది రాస్తున్నారని, అలాంటి వారందరినీ నరికేయమ’ని ఓ అభిమాని సలహా ఇచ్చాడు. ‘నీదీ, శ్రీముఖిదీ ఓవరాక్షన్ చూడలేకపోతున్నాంరా అయ్యా’ అంటూ ఓ వ్యక్తి కామెంట్ చేశాడు. దీనికి రవి ధీటుగా సమాధానం ఇచ్చాడు. ''నీ చేతిలో రిమోట్ ఉందిరా అయ్యా, దాన్ని ఛేంజ్ చెయ్రా అయ్యా'' అంటూ యాన్సర్ చేశాడు.