సెలెబ్రిటీల మధ్య ప్రేమ- పెళ్లి- బ్రేకప్‌లు మామూలే. తాజాగా ఆ లిస్టులో మాజీ ప్రపంచ సుందరి సుస్మితాసేన్ చేరిపోయింది. ఇన్నాళ్లు బాయ్‌ఫ్రెండ్‌తో చెట్టాపట్టాలేసుకుని తిరిగిన ఈమె ప్రస్తుతం బాయ్‌ఫ్రెండ్ రోహ్‌మన్ షాల్‌తో బ్రేకప్ ఇచ్చినట్లు వార్తలు వస్తున్నాయి. వీరిద్దరూ గత కొన్నేళ్లుగా డేటింగ్‌లో ఉన్న విషయం తెలిసిందే. 2018 నుంచి సుస్మిత-రోహ్‌మన్ సహజీవనం చేస్తున్నారు.
అయితే తన వ్యక్తిగత జీవితం గురించి ఓ పోస్ట్ పెట్టి తన ఫాలోవర్లకు ఒకింత షాక్‌కు గురిచేసింది సుస్మిత. 'సమస్య ఏంటంటే అతడు మారుతాడని మహిళ భావిస్తుంది. కానీ అతడు మారడు. పురుషులు చేసే తప్పును ఆమె ఎప్పటికీ క్షమించదు. ఆమె వదిలి వెళ్లిపోతుంది. ఈ కథలో నీతి ఏంటంటే అతడు మారడు. ఆమె వెళ్లిపోతుంది..' అంటూ పోస్ట్ పెట్టింది సుస్మితాసేన్.
ఈ పోస్ట్ నెట్టింట్లో వైరల్ అవుతుంది. సుస్మితాసేన్ పెట్టిన సందేశంతో బాయ్‌ఫ్రెండ్ రోహ్‌మన్‌కు సుస్మితాసేన్ దాదాపు బ్రేకప్ చెప్పిందని పలువురు అభిప్రాయపడుతున్నారు. అయితే ఇదే విషయంపై నెటిజన్లు క్లారిటీ కోసం వెయిట్ చేస్తున్నారు. ఒక్కో నెటిజన్లు ఒక్కో విధంగా కామెంట్లు పెడుతున్నారు.సుదీర్ఘ విరామం తర్వాత ఇటీవలే ఆర్య వెబ్‌సిరీస్‌తో ప్రేక్షకుల ముందుకొచ్చింది.
