ఏపీ సర్కారు మహిళల కోసం ప్రవేశపెట్టిన ఉచిత బస్సు ప్రయాణ పథకం గురించి పలు అంశాలు చర్చలో వున్నాయి. అనంతపురం జిల్లాకు చెందిన ఓ మహిళ సరదాగా చేసిన సోషల్ మీడియా రీల్, ఈ పథకం దుర్వినియోగం అవుతోందా అనే కొత్త వాదనకు దారితీసింది. అనంతపురం జిల్లాకు చెందిన ఓ మహిళ ఇటీవల ఆర్టీసీ బస్సు ముందు నిలబడి ఒక వీడియో రూపొందించింది.
"మా అమ్మకు కట్లపొడి, ఆకులు అంటే చాలా ఇష్టం. అవి తీసుకురావడానికి తాడిపత్రి నుంచి అనంతపురం వరకు ఉచితంగా బస్సులో వెళ్తున్నా" అంటూ ఆమె ఆ వీడియోలో తెలిపింది.
ఈ వీడియో వైరల్ కావడంతో విమర్శలు వస్తున్నాయి. మహిళల ఆర్థిక స్వావలంబన, ఉద్యోగ, అత్యవసర ప్రయాణ అవసరాల కోసం ప్రభుత్వం ఈ పథకాన్ని తీసుకొచ్చిందని, కానీ ఇలాంటి చిన్న చిన్న వ్యక్తిగత పనులకు కూడా ప్రభుత్వ పథకాన్ని వాడుకోవడం సరికాదని పలువురు విమర్శిస్తున్నారు.
అనంతపురం జిల్లాలో 'అమ్మకు ఇష్టమైన కట్లపొడి, ఆకులు తీసుకొచ్చేందుకు ఫ్రీగా తాడిపత్రి నుంచి అనంతపురానికి వెళ్తున్నా అంటూ బస్సు ముందు రీల్ చేసిన మహిళ pic.twitter.com/NsiOeWL6fx
