2015 సంక్రాంతికి విడుదలైన సోగ్గాడే చిన్ని నాయనా సినిమా సంచలనం విజయం సాధించింది. ఇందులో నాగార్జున పోషించిన బంగార్రాజు పాత్రకు అద్భుతమైన స్పందన లభించింది. అందుకే దర్శకుడు కళ్యాణ్ కృష్ణ, నాగార్జున ఆ సినిమాకు సీక్వెల్ తీస్తామని చెప్పారు. అదే పనిలో ఉన్నారు.
టైటిల్ కూడా 'బంగార్రాజు' అని కన్ఫామ్ చేశారు. అదిగో ఇదిగో అంటూ వస్తున్న ఈ ప్రాజెక్ట్ ఎట్టకేలకు ఈ సంవత్సరం పట్టాలెక్కుతుందని ప్రకటించాడు నాగార్జున. ప్రీప్రొడక్షన్ కూడా మొదలైంది. ఇందులో బాలీవుడ్ నటి సోనాక్షి సిన్హాను ఓ పాత్రకు తీసుకోవాలని భావిస్తున్నారట. నిజానికి ఈ సినిమా షూటింగ్ జూన్, జూలైలో మొదలెట్టాలనుకున్నారు. ఇప్పుడు కరోనా వేవ్‌తో ఎప్పటి నుంచి ఆరంభమవుతుంతో తెలియట్లేదు.
