రోబో 2.0, రోజుకి రూ.2,00,00,000 పారితోషికం తీసుకున్న అక్షయ్

ఇండియన్ సినీ చరిత్రలో అత్యధిక భారీ బడ్జెట్టుతో రూపొందుతున్న చిత్రం రోబో 2.0. ఈ చిత్రాన్ని రూ. 400 కోట్లతో తెరకెక్కిస్తున్నారు. బాహుబలి రికార్డులను బద్ధలు కొట్టేందుకు దర్శకుడు శంకర్ తీవ్ర ప్రయత్నం చేస్తున్నారు. ఈ చిత్రంలో సూపర్ స్టార్ రజినీకాంత్ హీరోగా నటిస్తుండగా బాలీవుడ్ హీరో అక్షయ్ కుమార్ విలన్ పాత్ర చేస్తున్నాడు. 

అక్షయ్ కుమార్ అనగానే ఫన్నీ హీరోగా గుర్తొస్తారు. కామెడీ రంగరిస్తూ ఆయన నటించే చిత్రాలుంటాయి. కానీ ఇందుకు భిన్నంగా రోబో 2.0లో అక్షయ్ కుమార్ విలన్ పాత్ర చేస్తున్నాడు. రోబో చిత్రంపై భారీ అంచనాలు నెలకొని వున్నాయి. మరోవైపు ఈ చిత్రంలో నటించేందుకు అక్షయ్ కుమార్ రోజుకి రూ. 2 కోట్లు తీసుకున్నట్లు తెలుస్తోంది. మరి ఈ చిత్రాన్ని ఎంతకు సేల్ చేస్తారో వెయిట్ అండ్ సీ.