సాయిధరమ్తేజ్ న‌టించిన సినిమా `రిపబ్లిక్`. క‌రోనా సెకండ్‌వేవ్ వ‌ల్ల ఈ సినిమాను ఓటీటీలో విడుదల చేయ‌నున్నార‌నే వార్త వ‌చ్చింది. కానీ సినిమా యూనిట్ ఖండించింది. ఎట్టిప‌రిస్థితుల్లోనూ థియేట‌ర్‌కు వ‌స్తుంద‌ని తేల్చిచెప్పింది. ఇప్పుడు ఆ దిశ‌గా చ‌ర్య‌లు కొన‌సాగుతున్నాయి. సాయి ఇప్ప‌టికే డ‌బ్బింగ్ ప్రారంభించారు. ప్ర‌భుత్వం రూల్ ప్ర‌కారం ఈసారి కూడా ఆక్యుపెన్సీ యాభై శాతం ఉంటుందా లేక నూరు శాతం ఉంటుందా అనేది తెలియదు. కానీ ఒకసారి థియేటర్లు అంటూ తెరిస్తే మొదటగా జనం ముందుకు వచ్చేందుకు సాయిధరమ్ తేజ్ సిద్ధం కాబోతున్నాడట. అతను హీరోగా, దేవ కట్టా ‘రిపబ్లిక్’ మూవీని విడుదల చేసేందుకు నిర్మాతలు భగవాన్, పుల్లారావు సన్నాహాలు ప్రారంభించారు. ఇదే నిజ‌మైతే సాయిధ‌ర‌మ్‌కు క‌రోనా సెంటిమెంట్ వ‌ర్క‌వుట్ అవుతుందేమో చూడాలి.
