యోగా టీచర్ అనుష్క శెట్టి ప్రధాన పాత్రలో.. లేడి ఓరియెంటెడ్ సినిమాగా రూపొందిన సినిమా అరుంధతి. ఈ సినిమా కొన్నేళ్ల తర్వాత బాలీవుడ్‌లో రీమేక్ కానుంది. కోడి రామకృష్ణ దర్శకత్వంలో తెరకెక్కిన ఈ సినిమాను, ప్రముఖ నిర్మాత శ్యామ్ ప్రసాద్ రెడ్డి మల్లెమాల ఎంటర్టైన్మెంట్స్ బ్యానర్‌లో నిర్మించారు. ఇలా 11 ఏళ్ల క్రితం వచ్చిన ఈ సినిమాను ఇప్పుడు బాలీవుడ్‌లో రీమేక్ చేయబోతున్నారు.
ఇంకా ఈ సినిమా హిందీ రీమేక్ హక్కులను నిర్మాత అల్లు అరవింద్ మంచి ఫ్యాన్సీ ధరకు దక్కించుకున్నారు. అలాగే ఈ చిత్రాన్ని హిందీలో మరో నిర్మాత మధు మంతెనతో కలిసి నిర్మించనున్నారు. అయితే తెలుగులో అనుష్క వేసిన అరుంధతి పాత్రకోసం హిందీ రీమేక్‌లో దీపికా పదుకొనె లేదా కంగనా రనౌత్ ను తీసుకోవాలని చూస్తున్నట్లు సమాచారం.
