అయితే, ఈ చిత్రంలో హీరోయిన్‌గా దీపికా పదుకొనెను ఎంపిక చేశారు. దీంతో టాలీవుడ్ చిత్ర పరిశ్రమ ఆశ్చర్యపోయింది. ఆమె నటిస్తోన్న విషయాన్ని తాజాగా అధికారికంగా చిత్రయూనిట్ ప్రకటించింది. దీంతో ఒక్కసారిగా ఈ ప్రాజెక్ట్ రూపురేఖలు మారిపోయాయి. ఇంకా చెప్పాలంటే ఈ చిత్రానికి 'బాహుబలి' రేంజ్ వచ్చేసింది.
దర్శకుడు నాగ్ అశ్విన్ ‘మహానటి’ చిత్రంతో తనెంటో నిరూపించుకున్నాడు. ఆ చిత్రం తర్వాత చాలా టైమ్ తీసుకున్న నాగ్ అశ్విన్.. ప్రభాస్ రేంజ్‌కి సరిపోయే కథని సిద్ధం చేయడంతో పాటు, సొంత బ్యానర్ వైజయంతీ మూవీస్‌లోనే ఈ చిత్రాన్ని భారీ బడ్జెట్‌తో తెరకెక్కించబోతున్నారు.
పాన్ ఇండియా మూవీగా తెరకెక్కనున్న ఈ చిత్రానికి హీరోయిన్‌కే రూ.30 కోట్లు ఇస్తే.. ఇక హీరో, ఇతర నటీనటులకు ఇంకెంత ఇవ్వనున్నారు. అలాగే ఈ రేంజ్ సినిమాకి సాంకేతిక విభాగానికి కూడా భారీగానే ఖర్చు అవుతుంది. వాటికెంత ఖర్చు చేయనున్నారు.
