న‌టీమ‌ణుల‌కు ఏ సినిమాలో అవ‌కాశం వచ్చినా వెంట‌నే చేసేయాలి. లేదంటే వెన‌క‌బ‌డిపోతుంటారు. మొదట్లో అంద‌రి హీరోయిన్ల ప‌రిస్థితి ఇంతే. అందుకే `ఏ పాత్ర వచ్చినా చేయాలని అనుకునేదాన్ని` అంటూ బాలీవుడ్ న‌టి కియార అద్వ‌నీ పేర్కొంది. తెలుగులో మ‌హేష్‌బాబుతో `భ‌ర‌త్ అనే నేను` సినిమాలో న‌టించింది. అది ఊహించినంత విజ‌యాన్ని చేరుకోలేదు. కానీ బాలీవుడ్‌లో ఆమె న‌టించిన `క‌బీర్ సింగ్`కు అనూహ్య స్పంద‌న ల‌భించింది. దాంతో ఆమె ఫేటే మారిపోయింది. క‌బీర్ సింగ్ అనేది తెలుగులో అర్జున్ రెడ్డి రీమేక్‌. ఇందులో హారోయిన్‌కు అధిక ప్రాధాన్య‌త వుంది. నేను చేసిన న‌ట‌న‌కు మంచి మార్కులు వ‌చ్చాయి. సినిమా విజ‌య‌వంతం అయింది.
