'ఏ.. కిక్కు కోసం అనసూయ సరిపోదా..?' : యాంకర్ హాట్ కామెంట్స్

హాట్ యాంకర్ అనసూయ. ఇటీవలికాలంలో వివిధ చానెల్లో వస్తున్న ప్రోగ్రామ్‌లో ఈ హాట్ భామ డబుల్ మీనింగ్ డైలాగులతో రెచ్చిపోతోంది. బుల్లితెరపైనే కాకుండా బిగ్‌స్క్రీన్‌పై కూడా ఆమె గ్లామర్ టచ్‌తో ఆలరిస్తోంది. దీనికి నిదర్శనం ఇటీవలే సాయిధరమ్ తేజ్ 'విన్నర్' సినిమాలో ఐటెం సాంగ్‌లోనూ ఆడిపాడింది ఈ భామ. 

ఓ తాజాగా ఆ డోస్‌ను మరింత పెంచేసింది ఈ యాంకర్. ఆ కార్యక్రమంలో పాల్గొన్న ఓ పార్టిసిపెంట్ అడిగిన ఓ ప్రశ్నకు అనసూయ ఇచ్చిన సమాధానం కాస్తంత ఆశ్చర్యకరంగానే అనిపిస్తుంది. సదరు పార్టిసిపెంట్.. 'కిక్కు కోసం మీరు మద్యం సరఫరా చేస్తారా?' అని అనసూయను అడిగాడు. 

ఆ ప్రశ్నకు ఆమె ఏ మాత్రం తడుముకోకుండా 'ఏ... కిక్కు కోసం అనసూయ సరిపోదా..?' అంటూ ఆ పార్టిసిపెంట్‌కు కౌంటర్ ఇచ్చేసింది. డబుల్ మీనింగ్ డైలాగుల్లో డోస్ ఎంతలా పెంచేసిందో ఈ ఒక్క డైలాగే చెప్పేస్తుంది. 

ఈ ఒక్కటే కాదు.. ఇంకా ఎన్నో డబుల్ మీనింగ్ డైలాగులు ఆ కార్యక్రమం ప్రోమోలో వినిపిస్తాయి. ప్రోమోలోనే అన్ని డబుల్ మీనింగ్ డైలాగులుంటే.. కార్యక్రమంలో మరెన్ని డబుల్ మీనింగ్ డైలాగులు పేలతాయో మరి.