కరోనా కాలం.. పెళ్లికాని సెలెబ్రిటీలు కాస్త లీజర్ దొరకడంతో వివాహం చేసుకుని ఫ్యామిలీతో సెటిల్ అవుతున్నారు. అలాంటి వారి జాబితాలో గత రెండేళ్ల పాటు చాలామంది సెలెబ్రిటీలు వున్నారు. వీరిలో కత్రినా కైఫ్ కూడా వుంది. బాలీవుడ్ స్టార్స్ కత్రినా కైఫ్, విక్కీ కౌశల్ గత ఏడాది డిసెంబర్‌ 9న రాజస్థాన్‌లోని ఫోర్ట్ ప్యాలెస్‌లో గ్రాండ్ వెడ్డింగ్ చేసుకున్న విషయం తెలిసిందే.
సినిమాలను, వ్యక్తిగత జీవితానికి కరెక్ట్‌గా బ్యాలెన్స్ చేస్తూ ఈ జంట హ్యాపీగా గడుపుతంది. వీలు చిక్కినప్పుడల్లా ఈ జంట వేకేషన్‌కి వెళుతోంది. అలాగే.. పండుగల సమయంలో ఒకరితో ఒకరి సమయాన్ని గడపడానికి ఇంపార్టెన్స్ ఇస్తున్నారు. అలాగే.. వీరికి సంబంధించిన పిక్స్‌ని సైతం సోషల్ మీడియా వేదికగా అభిమానులతో పంచుకుంటూ ఉంటారు. ఈ జంట ప్రస్తుతం న్యూయార్క్‌లో వేకేషన్‌ని ఎంజాయ్ చేస్తోంది.
ఈ తరుణంలో ఈ కపుల్ గురించి ఓ క్రేజీ వార్త నెట్టింట హల్‌చల్ చేస్తోంది. కత్రిన ప్రస్తుతం రెండు నెలల గర్భవతి అని సోషల్ మీడియాలో వార్తలు వస్తున్నాయి. దీంతో తండ్రి కాబోతున్నందుకు విక్కీ ఎంతో సంతోషంగా ఉన్నాడట. కానీ ఈ విషయంపై కత్రిన, విక్కీ నుంచి ఎటువంటి అధికారిక ప్రకటన రాలేదు. కానీ.. మరో నెల తర్వాత అంటే మూడోనెలలో ప్రకటించే అవకాశం ఉందని సమాచారం. అయితే ఈ వార్తల్లో నిజం లేదని కౌశల్ అధికార ప్రతినిధి కొట్టిపారేశారు.
