నందమూరి బాలకృష్ణ కథానాయకుడిగా పూరీ జగన్నాథ్ దర్శకత్వంలో రూపొందుతున్న పైసా వసూల్ సినిమా షూటింగ్ పోర్చుగల్‌లో జరుగుతోంది. కొన్ని పాటలను, భారీ యాక్షన్ ఎపిసోడ్స్‌ను అక్కడ చిత్రీకరిస్తున్నారు. ఈ సినిమా ఫస్ట్ లుక్‌కు మంచి రెస్పాన్స్ వచ్చింది. బాలకృష్ణ డాన్స్ మూమెంట్‌తో కూడిన పోస్టర్, ఫైట్స్ సీన్స్‌తో కూడిన పోస్టర్‌ను రిలీజ్ చేశారు. ఈ చిత్రం 'పైసా వసూల్' సినిమా సెప్టెంబర్ 29న విడుదల కాబోతోంది.
అయితే ఈ సినిమాకు సరిగ్గా వారం ముందు... అంటే సెప్టెంబర్ 21న జూనియర్ ఎన్టీఆర్ నటించిన 'జై లవకుశ' చిత్రం విడుదల కావాల్సింది. తారక్ అన్న కల్యాణ్ రామ్ నిర్మిస్తున్న ఈ సినిమా విడుదలను వాయిదా వేయాలనుకుంటున్నారు. బాబాయ్, అబ్బాయ్‌ల సినిమాలు ఒకే సమయంలో విడుదల కావడం ఎందుకని, బాబాయ్‌తో పోటీ ఎందుకని తారక్, కల్యాణ్ భావించారట.
