బాహుబలి భల్లాలదేవుడు.. నేనే రాజు నేనే మంత్రి హీరో రానాతో.. చందమా కాజల్ అగర్వాల్ ప్రేమలో వున్నట్లు వస్తున్న వార్తలొచ్చిన సంగతి తెలిసిందే. రానా- కాజల్ అగర్వాల్ జంటగా నటించిన ''నేనే రాజు నేనే మంత్రి'' సినిమా రెండు రోజుల క్రితం విడుదలైంది. ఈ నేపథ్యంలో రానాతో కాజల్ ప్రేమలో ఉన్నట్లు వస్తున్న వార్తల్లో నిజం లేదని హీరోయిన్ కాజల్ అగర్వాల్ స్పష్టం చేసింది.
ఈ సందర్భంగా ఆంగ్ల మీడియాతో కాజల్ అగర్వాల్ మాట్లాడుతూ.. రానాతో ప్రేమలో వున్నట్లు వస్తున్న వార్తల్లో నిజం లేదని క్లారిటీ ఇచ్చింది. తామిద్దరం చాలాకాలంగా స్నేహితులమని చెప్పింది. రానా కష్టపడే వ్యక్తి అని, ‘బాహుబలి’ సినిమాతో రానాకు రావాల్సిన గుర్తింపు అతనికి వచ్చిందని కాజల్ అగర్వాల్ తెలిపింది. తనకు టాలీవుడ్ అయినా, బాలీవుడ్ అయినా తనకు మంచి పాత్ర దొరికితే చేస్తానని.. మంచి స్క్రిప్ట్ లభిస్తే తప్పకుండా నటిస్తానని తెలిపింది.
మరోవైపు.. పూరి జగన్నాథ్ దర్శకత్వంలో ఎన్టీఆర్ పోలీసాఫీసర్‌గా నెగటివ్ టచ్‌తో దుమ్మురేపిన చిత్రం టెంపర్. ఇప్పుడు ఈ సినిమా బాలీవుడ్‌లో రీమేక్ కాబోతుంది. బీటౌన్ యాక్షన్ అండ్ కామెడీ మూవీస్ స్పెషలిస్ట్ రోహిత్ శెట్టి ఈ చిత్రానికి దర్శకత్వం వహించబోతున్నాడు. తాజాగా ఈ రీమేక్ మూవీలో రణ్ వీర్ సింగ్‌ను హీరోగా ఎంపిక చేశారు. హీరోయిన్‌గా కాజల్ అగర్వాల్ ఎంపిక చేసినట్లు తెలుస్తోంది.
