అమలాపాల్ విడాకుల వ్యవహారం సద్దుమణిగిన నేపథ్యంలో మరో దక్షిణాది హీరోయిన్ మీరా జాస్మిన్ విడాకులకు సిద్ధమవుతున్నట్టు తెలుస్తోంది. 2014లో అనూహ్యంగా దుబాయ్కి చెందిన సాఫ్ట్ వేర్ ఇంజనీర్ అనిల్ జాన్ టైటస్ను పెళ్లాడిన మీరా జాస్మిన్ ఇటీవలే విడాకుల కోసం దరఖాస్తు చేసుకున్నట్లు తెలుస్తోంది. దక్షిణాది భాషల్లో నటించిన ఈ భామ... పెళ్ళికి తర్వాత సినిమాలకు దూరమైంది.
అయితే భర్తతో ఏడాది పాటు విభేదాలు తలెత్తడంతో విడిపోవాలనే నిర్ణయానికి వచ్చినట్లు సమాచారం. తెలుగులో భద్ర, గుడుంబా శంకర్ లాంటి సినిమాలతో తెలుగు ప్రేక్షకులను ఆకట్టుకున్న ఈ మలయాళ కుట్టి మళ్లీ కెరీర్లో దృష్టి పెట్టిందని తెలుస్తోంది. పెళ్లి తర్వాత దుబాయ్ లో సెటిల్ అయిన మీరా ఇటీవల 'పతూ కల్పనకల్' అనే చిత్రం ద్వారా సెకండ్ ఇన్నింగ్స్ మొదలు పెట్టింది.