అక్కినేని నాగార్జున కుమారుల పెళ్లి విషయమై గత కొంత కాలంగా మీడియాలో పలు రకాల వార్తలు వస్తున్నాయి. ఈ వార్తలపై మీడియాలో అనేక రకాల ఊహాగానాలు వస్తున్నాయి. ముఖ్యంగా నాగచైతన్య, సమంతలపై ఫోకస్ చేసినట్లు అర్థమవుతోంది. దీంతోపాటు వీరి ప్రేమ వ్యవహారం బాగా ముదిరినట్లు తెలుస్తోంది. మూడు చిత్రాల్లో జంటగా నటించిన వీరిద్దరూ నిజ జీవితంలోనూ ఒక్కటి కానున్నారనే మాటలు నిజం చేశాలా వీరి చర్యలు కూడా ఉన్నాయి.
ఇప్పటికే ఓ ఫామ్ హౌసులోని బాల్కనీలో వీళ్లిద్దరూ కనబడిన ఫోటోలు బయటకు వచ్చాయి. ఆ తర్వాత ఓ సినిమా హాల్లో ఇద్దరూ కూర్చుని ఉన్న ఫోటోలు హల్ చల్ చేశాయి. రీసెంట్‌గా బంజారాహిల్స్‌లోని జీవీకే షాపింగ్ మాల్ హార్డ్ రాక్ కేఫ్ దగ్గర కనబడినట్లు ఫోటోలు బయటకు వచ్చాయి. ఇక తాజాగా ఇద్దరూ కలిసి షాపింగ్ చేసి బయటకొచ్చిన ఫోటోలు హల్‌చల్ చేస్తున్నాయి. ఇవన్నీ చూస్తుంటే చైతూ, సమ్మూ ఒక్కటి కావడం ఖాయమంటున్నారు సినీజనం.
