ఇటు తెలుగు, అటు తమిళ భాషల్లోనేకాకుండా సౌత్‌లో తనకంటూ ప్రత్యేక గుర్తింపును తెచ్చుకుని లేడీ అమితాబ్‌గా కొనసాగుతున్న మలయాళ బ్యూటీ నయనతార. ఎన్నో ప్రేమ వివాదాల్లో చిక్కుకున్నప్పటికీ ఈ అమ్మడికి మాత్రం సినీ అవకాశాలు మాత్రం ఏమాత్రం తగ్గడం లేదు. దీంతో తన రెమ్యునరేషన్‌ను భారీగా వసూలు చేస్తోంది.
ప్ర‌స్తుతం స్టార్ హీరో సినిమాల‌లో న‌టిస్తూనే మ‌రోవైపు లేడి ఓరియెంటెడ్ చిత్రాలు చేస్తుంది. 'ద‌ర్బార్' చిత్రంలో తమిళ సూపర్ స్టార్ రజినీకాంత్ సరసన నటిస్తోంది. అలాగే, విజ‌య్, అజిత్‌, చిరంజీవి చిత్రాల‌లో క‌థానాయిక‌గా ఎంపికైంది. చిత్ర ప్ర‌మోష‌న్ కార్య‌క్ర‌మాల‌కి కూడా హాజరు కాలేనంత బిజీగా ఉన్న నయనతార సినిమా రెమ్యున‌రేష‌న్ భారీగానే పెంచింద‌నే టాక్ వినిపిస్తుంది.
