ప‌వ‌ర్ స్టార్ ప‌వ‌న్ క‌ళ్యాణ్ అజ్ఞాత‌వాసి సినిమా డిజాస్ట‌ర్ అవ్వ‌డం... ఆయ‌న ఎన్నిక‌ల్లో పోటీ చేయాల‌నుకోవ‌డం.. త‌దిత‌ర కార‌ణాల వ‌ల‌న సినిమాల‌కు గుడ్ బై చెప్పేసి ఫుల్ టైమ్ పొలిటిష‌య‌న్‌గా మారిపోయారు. జ‌న‌సేన పార్టీ కార్య‌క్ర‌మాల్లో ఫుల్ బిజీ అయ్యారు. ఇక సినిమాల‌కు నిజంగానే గుడ్ బై చెప్పేసారు అనుకున్నారు. అయితే... ఇటీవ‌ల బ‌య‌ట‌కు వ‌చ్చిన ఓ వార్త ప‌వ‌న్ అభిమానుల‌కు ఆనందం క‌లిగిస్తోంది. ఇంత‌కీ విష‌యం ఏంటంటే... ప‌వ‌న్ ఓ సినిమాలో న‌టించేందుకు గ్రీన్ సిగ్న‌ల్ ఇచ్చార‌ట.
ఇప్పుడు ఇండ‌స్ట్రీలో ఇదే హాట్ టాపిక్. ఇంత‌కీ ఏ సినిమాలో అంటే... ప‌వ‌న్ మేన‌ల్లుడు సాయిధరమ్ తేజ్ తమ్ముడు వైష్ణ‌వ్ తేజ్ హీరోగా ఓ సినిమా ప్లాన్ జ‌రుగుతోంది. ఈ చిత్రాన్ని తాళ్లూరి రామ్ నిర్మించ‌నున్నారు. ఈయ‌న‌కి ప‌వ‌న్‌కి మంచి ఫ్రెండ్ షిప్ ఉంది. ఆ కార‌ణం వ‌ల‌నే తాళ్లూరి రామ్ నిర్మించిన నేల టిక్కెట్ ఆడియో ఫంక్ష‌న్‌కి గెస్ట్‌గా వ‌చ్చాడు ప‌వ‌న్.
