పవర్ స్టార్ పవన్ కళ్యాణ్ కెరీర్లో మరచిపోలేని సినిమా గబ్బర్ సింగ్. ఈ చిత్రాన్ని హరీష్ శంకర్ తెరకెక్కించారు. బ్లాక్ బష్టర్ ప్రొడ్యూసర్ బండ్ల గణేష్ నిర్మించిన గబ్బర్ సింగ్ సినిమా అన్నివర్గాల ప్రేక్షకులను ఆకట్టుకుని సంచలన విజయం సాధించింది. ఈ సినిమా తర్వాత మళ్లీ పవన్ - హరీష్ శంకర్ కలిసి సినిమా ఎప్పుడు చేస్తారా అని అభిమానులు ఎదురు చూస్తున్నారు.
ఇదిలా ఉంటే... ఈ సినిమా గురించి ఓ ఇంట్రస్టింగ్ న్యూస్ బయటకు వచ్చింది. అది ఏంటంటే... పవన్ రాజకీయాల్లో ఉన్నారు కాబట్టి ఆయనకున్న ఇమేజ్‌కు తగ్గట్టుగా పొలిటికల్ మూవీనే ప్లాన్ చేసాడట హరీష్ శంకర్. గబ్బర్ సింగ్ వలే పంచ్ డైలాగ్స్ లేకపోయినా... పొలిటికల్ డైలాగ్స్ చాలా పవర్‌ఫుల్‌గా ఉంటాయని సమాచారం. ఆల్రెడీ ఫుల్ స్ర్కిప్ట్ రెడీ చేసి.. ఎప్పుడంటే అప్పుడు షూటింగ్‌కి వెళ్లడానికి రెడీగా ఉన్నాడట హరీష్ శంకర్. గబ్బర్ సింగ్ సినిమాతో సెన్సేషన్ క్రియేట్ చేసిన పవన్ -హరీష్ శంకర్ కాంబో ఈసారి ఎలాంటి సంచలనం సృష్టిస్తుందో చూడాలి.
