తాను రాసిన కవితలకు, షార్ట్ స్టోరీస్‌కు మొదటి రీడర్ తన మాజీ భర్త, హీరో పవన్ కళ్యాణేనని ఆయన మాజీ భార్య, సినీ నటి రేణూ దేశాయ్ చెపుతోంది. వినాయక చతుర్థిని పురస్కరించుకుని తన ఇంట్లో గణేషుడికి ప్రత్యేక పూజలు చేశారు.
అంతకుముందు ఆమె ఓ ప్రత్యేక ఇంటర్వ్యూ ఇచ్చింది. ఇందులో... చిన్నప్పటి నుంచి తనకు కవితలు, షార్ట్ స్టోరీస్ రాసే అలవాటు ఉందని చెప్పింది. తాను రాసిన కవితలను, షార్ట్ స్టోరీస్‌ను నాడు పవన్ కల్యాణ్ చదివి, తన అభిప్రాయం వ్యక్తం చేసేవారని, ప్రోత్సహించేవారని ఆమె గుర్తుచేసుకుంది.
మొదట్లో సోషల్ మీడియాలో తనకు ఖాతాలు లేకపోవడంతో తన కవితలు, షార్ట్ స్టోరీస్‌ను పోస్ట్ చేయలేకపోయానని అన్నారు. అయితే, మూవీ బిజినెస్ ప్రారంభించాక తన పీఆర్ టీమ్ సోషల్ మీడియాలో అకౌంట్ ప్రారంభించడంతో 2014 నుంచి వాటిని పోస్ట్ చేస్తున్నట్లు చెప్పారు. 2015లో తాను తీవ్ర అనారోగ్యానికి గురైనప్పుడు చాలా కవితలు రాశానని, నాలుగైదు డైరీలు వాటితో నిండిపోయాయని ఆమె చెప్పుకొచ్చారు.
