రోమ్‌లో ఉన్నప్పుడు రోమన్‌లాగే ఉండాలన్న సూక్తిని నూటికి నూరుపాళ్ళూ పాటించేస్తోంది బాలీవుడ్‌ భామ ప్రియాంకా చోప్రా. బాలీవుడ్‌లో టాప్‌ హీరోయిన్‌ స్థాయికి చేరుకుని ఆ తర్వాత హాలీవుడ్‌లో పాదం మోపింది ప్రియాంక. ఇక్కడ ఉన్నప్పుడు కొద్దిగా పద్ధతిగా ఉన్నట్టు కనిపించినా, హాలీవుడ్‌కి వెళ్ళిన తర్వాత బికినీలో అదరగొట్టేస్తోంది. అంతేకాకుండా తన బికినీ ఫో‍‍‍టోలు సోషల్‌ మీడియాలో పెట్టేస్తోంది. ఈ బికినీలపై ఆమె స్పందిస్తూ...
బికినీలు వేసుకోవడం నాకేమీ కొత్తకాదే! గతంలో బాలీవుడ్‌లో కొన్ని సినిమాల్లో బికినీలో కనిపించాను, ఇప్పుడు ఈ సినిమాలోనూ వేసుకున్నాను. తెర మీద వాటిని వేసుకోవాలంటే సిగ్గుగా అనిపించదు కానీ, బాహాటంగా బీచ్‌లో తిరగాలంటే సిగ్గుగా ఉంటుంది. ఆ ఫీలింగ్‌ ఏమిటో నాకు ఇప్పటికీ అర్థం కాదు.
నా కెరీర్‌ మొత్తంలో నేను ఎవరిమీదా ఆధారపడలేదు. సక్సెస్‌ను ఎలా ఎంజాయ్‌ చేశానో, ఫ్లాప్‌నీ అలాగే తీసుకుంటాను. ఒక సినిమా ఫ్లాప్‌ అయితే చాలా విషయాలు నేర్చుకునే అవకాశం ఉంటుంది. ఇక్కడికి వచ్చిన తరువాత చాలా విషయాలు నేర్చుకున్నాను. ఈ రోజు ఈ స్థాయికి చేరుకోవడానికి అదే కారణం అని చెప్పుకొచ్చింది.
