స్టైలీష్ స్టార్ అల్లు అర్జున్ నటిస్తున్న తాజా చిత్రం పుష్ప. ఈ చిత్రానికి క్రియేటీవ్ డైరెక్టర్ సుకుమార్ దర్శకత్వం వహిస్తున్నారు. విభిన్న కథాంశంతో రూపొందుతోన్న ఈ మూవీని ప్రముఖ నిర్మాణ సంస్థ మైత్రీ మూవీ మేకర్స్ నిర్మిస్తుంది. బన్నీ సరసన క్రేజీ హీరోయిన్ రష్మిక నటిస్తుంది. ఎర్ర చందనం నేపధ్యంలో సాగే ఈ సినిమాలో బన్నీ లారీ డ్రైవర్‌గా నటిస్తున్నారు.
బన్నీ క్యారెక్టర్ ఇప్పటివరకు చేయని విధంగా.. సరికొత్తగా ఉంటుందని తెలిసింది. ఇదిలా ఉంటే... ఈసినిమా గురించి ఓ ఇంట్రస్టింగ్ న్యూస్ బయటకు వచ్చింది. అది ఏంటంటే... సుకుమార్ సినిమా అంటే ఐటమ్ సాంగ్ ఉంటుంది. ఆ సాంగ్ చాలా స్పెషల్‌గా ఉంటుంది. ఆర్య, ఆర్య 2, 100 పర్సంట్ లవ్, రంగస్థలం.. ఇలా సుకుమార్ సినిమాలో ఐటం సాంగ్‌కి ఓ ప్రత్యేకత ఉంటుంది.
