బన్నీ-త్రివిక్రమ్ కాంబినేషన్‌లో టబు నటిస్తున్న సంగతి తెలిసిందే. అలాగే రానా దగ్గుబాటి హీరోగా వస్తున్న విరాట పర్వంలోనూ టబు కీలక పాత్ర పోషిస్తున్నట్లు వార్తలు వచ్చాయి. కానీ తాజాగా రానా విరాట పర్వం నుంచి టబు తప్పుకున్నట్లు సమాచారం. గతంలో బాలకృష్ణతో నటించిన పాండురంగడు తెలుగులో టబు చివరి సినిమా. ఇది రిలీజై దాదాపు పదేళ్లు దాటింది.
దశాబ్దం గ్యాప్‌లో ఆమె కెరీర్ బాలీవుడ్‌లో బలంగానే ఉంది. తాజాగా అంధాదూన్, దేదేప్యార్‌దే మూవీస్‌తో ప్రేక్షకులను అలరించారు. అదే క్రేజ్‌ని క్యాష్ చేసుకోవడానికి తెలుగులో కూడా రీ ఎంట్రీ ప్లాన్ చేసింది టబు. వేణు ఉడుగుల డైరెక్షన్‌లో విరాటపర్వం అనే పీరియాడిక్ మూవీలో కీరోల్ దక్కించుకుంది. ఇందులో టబుది మహిళా నక్సలైట్ పాత్ర.
