విక్ట‌రీ వెంక‌టేష్ - యువ స‌మ్రాట్ నాగచైత‌న్య కాంబినేష‌న్‌లో ఓ భారీ మ‌ల్టీస్టార‌ర్ ప్రారంభ‌మైన విష‌యం తెలిసిందే. ఈ చిత్రానికి జై ల‌వ‌కుశ ఫేమ్ బాబీ ద‌ర్శ‌క‌త్వం వ‌హిస్తున్నారు. సురేష్ ప్రొడ‌క్ష‌న్స్, కోన ఫిల్మ్ కార్పోరేష‌న్, పీపుల్ మీడియా ఫ్యాక్ట‌రీ సంయుక్తంగా ఈ చిత్రాన్ని నిర్మిస్తున్నాయి. జులైలో ఈ సినిమాని పూజా కార్య‌క్ర‌మాల‌తో ప్రారంభించారు. ఆగ‌ష్టు నుంచి రెగ్యుల‌ర్ షూటింగ్ ప్రారంభం అవుతుంది అన్నారు. అక్టోబ‌ర్ వ‌చ్చింది కానీ ఇప్ప‌టివ‌ర‌కు స్టార్ట్ కాలేదు.
ఫ‌స్ట్ షెడ్యూల్‌లో నాగచైత‌న్యపై కీల‌క స‌న్నివేశాలు చిత్రీక‌రిస్తార‌ని తెలిసింది. గ్రామీణ నేప‌ధ్యంలో సాగే ఈ విభిన్న క‌థా చిత్రంపై అటు అభిమానుల్లోను, ఇటు ఇండ‌స్ట్రీలోను భారీ అంచ‌నాలు ఏర్ప‌డ్డాయి. మ‌రి.. ఈ మామాఅల్లుడు క‌లిసి ఎలాంటి సెన్సేష‌న్ క్రియేట్ చేస్తారో చూడాలి.
