టాలీవుడ్ యువ హీరో అఖిల్ అక్కినేని. ఉన్నట్టుండి పూర్తిగా మారిపోయాడు. పూర్తిస్థాయి బాడీబిల్డర్‌గా మారాడు. కండలు భారీగా పెంచేశాడు. ఆ ఫోటో చూస్తే అసలు నిజంగానే ఇతను అఖిలేనా అనే సందేహం ప్రతి ఒక్కరికూ కలగక మానదు. ఈ న్యూలుక్ తన కొత్త సినిమా కోసమట. ఈ వివరాలను పరిశీలిస్తే,
తెలుగు దర్శకులలో సురేందర్ రెడ్డికి ఓ ప్రత్యేకత ఉంది. హీరోలను ఆయన ఎంతో స్టైలీష్‌గా చూపిస్తాడు. అప్పటివరకూ సినిమాలు చేస్తూ వచ్చిన హీరోలు, ఆయన సినిమా దగ్గరికి వచ్చేసరికి ఒక్కసారిగా డిఫరెంట్ లుక్‌తో కనిపిస్తారు.
అలాగే, ఇపుడు అఖిల్‌ను కూడా సురేందర్ రెడ్డి కొత్తగా చూపించనున్నాడు. ఈ ఇద్దరి కాంబినేషన్లో సెట్ పైకి వెళ్లడానికి 'ఏజెంట్' కొంతకాలంగా ఎదురుచూస్తున్నాడు. కరోనా ప్రభావం చాలావరకూ తగ్గడంతో, ఈ రోజున ఈ సినిమా టీమ్ రంగంలోకి దిగిపోయింది. ఈ రోజు నుంచి ఇక రెగ్యులర్ షూటింగ్ కొనసాగుతుంది.
సురేందర్ రెడ్డి - వక్కంతం వంశీ కాంబినేషన్లో గతంలో వచ్చిన సినిమాల్లో చాలావరకూ భారీ విజయాలను అందుకున్నవే. అందువలన సహజంగానే ఈ సినిమాపై అంచనాలు ఉన్నాయి. తమన్ సంగీతాన్ని అందిస్తున్న ఈ సినిమాతో, కథానాయికగా 'సాక్షి వైద్య' పరిచయం కానుందనే టాక్ వినిపిస్తోంది.
