టాలీవుడ్ ఒకప్పటి హీరోయిన్ అమలా అక్కినేని పుట్టినరోజు నేడు. ఈమె సినీనటిగా, జంతు సంక్షేమ కార్యకర్తగా అందరికీ తెలుసు. దక్షిణాది హీరోయిన్‌గా రాణించిన అమల.. టి. రాజేందర్ దర్శకత్వం వహించిన మైథిలీ యెన్నై కాదలి అనే తమిళ చిత్రంలో తొలిసారిగా అడుగుపెట్టింది.
ఇది పెద్ద బాక్సాఫీస్ వద్ద విజయవంతమైంది. ఆమె చాలా టాలీవుడ్ సినిమాలు, కొన్ని బాలీవుడ్ సినిమాల్లో కూడా నటించింది. తమిళం, తెలుగులే కాకుండా కొన్ని మలయాళ, కన్నడ చిత్రాల్లో కూడా నటించింది.
అక్కినేని నాగార్జునతో కలిసి నిర్ణయం, శివ వంటి హిట్ చిత్రాలలో నటించింది. అంతేగాకుండా దక్షిణాది అగ్రహీరోలతో ఆమె కలిసి నటించింది. అలాగే భారతీయరాజా, మణిరత్నం, రామ్ గోపాల్ వర్మ వంటి ప్రముఖ దర్శకులతో ఆమె పనిచేశారు.
తెలుగులో కిరాయిదాదా, రక్తతిలకం, రాజా విక్రమార్క, అగ్గిరాముడు, ఆగ్రం వంటి సినిమాల్లో నటించారు. తెరపై నాగార్జునకు హిట్ పెయిర్‌గా నిలిచిన అమల.. తర్వాత రియల్ లైఫ్‌లోనూ వైఫ్‌గా మారారు. అమల, నాగార్జున సంతానం అఖిల్ చిన్ననాటే సిసింద్రీ సినిమాలో కనిపించారు.
