మొదటివారం చంటి, రేవంత్‌, శ్రీ సత్య, ఆరోహి, ఇనయా, అభినయశ్రీ, ఫైమా ఎలిమినేషన్‌కి నామినేషన్‌లో ఉన్న సంగతి తెలిసిందే. ఎప్పటిలాగే ఆదివారం నాడు ఈ ఎలిమినేషన్‌లో ఉన్న వాళ్లలో ఒకర్ని బయటకి పంపించేస్తారు అనుకున్నారు అంతా. కానీ ఈ సారి బిగ్‌బాస్ ఎప్పుడూ లేని ట్విస్ట్ ఇచ్చాడు.
ఆదివారం ఎప్పటిలాగే ఎలిమినేషన్ ప్రక్రియ మొదలుపెట్టారు నాగార్జున. చివరికి ఇనయ సుల్తానా, అభినయశ్రీ మిగిలారు. వీరిద్దరిలో ఎవరు ఎలిమినేట్ అవుతారు అని కంటెస్టెంట్స్, ప్రేక్షకులు అంతా ఉత్కంఠంగా ఎదురుచూశారు. చివరగా వీరిద్దరిని నాగార్జున గార్డెన్‌ ఏరియాకి పిలిచి అక్కడున్న రెండు భారీ సుత్తులని ఎత్తమన్నారు.
అయితే చివర్లో నాగార్జున అందర్నీ సర్‌ప్రైజ్ చేశారు. ఈ సారి మొదటివారం ఎలిమినేషన్ తీసేస్తున్నట్టు ప్రకటించారు. ఆరు సీజన్లలో మొట్టమొదటి సారి ఈ నిర్ణయం తీసుకున్నామని తెలిపారు. నాగార్జున ఈ విషయం చెప్పగానే ఇనయా, అభినయశ్రీ ఊపిరి పీల్చుకున్నారు.
