బోల్డ్‌గా అమలాపాల్ వెబ్‌సిరీస్‌లో మరింత బోల్డ్‌గా నటించనుందని టాక్ వస్తోంది. సినిమాల కంటే వెబ్ సిరీస్‌లకే క్రేజ్ అమాంతంగా పెరుగుతోంది. సినీ దర్శకులు, సినీ నటులు కూడా వెబ్ సిరీస్‌పై ప్రత్యేక దృష్టి పెడుతున్నారు.
లస్ట్ స్టోరీస్‌లో నాలుగు భిన్న నేపథ్యాల కథను డీల్ చేశారు. హిందీ ఒరిజినల్స్‌లో నాలుగు భిన్న నేపథ్యాలను నలుగురు అగ్ర దర్శకులు తెరకెక్కించిన సంగతి తెల్సిందే. ఇప్పుడు ఈ నెట్ ఫ్లిక్స్ ఒరిజినల్ 'లస్ట్ స్టోరీస్'కు తెలుగు వెర్షన్ సిద్ధమవుతోంది. ఇందుకోసం ఈ ఒరిజినల్‌ను నందిని రెడ్డి, తరుణ్ భాస్కర్, సంకల్ప్ రెడ్డి, సందీప్ రెడ్డి తెరకెక్కిస్తారు. రోనీ స్క్రవాలా ఈ ఒరిజినల్‌ను నిర్మిస్తారు.
నందిని రెడ్డి తెరకెక్కించే సెగ్మెంట్‌లో బోల్డ్ బ్యూటీ అమలా పాల్ నటిస్తుంది. హిందీ వెర్షన్‌లో ఈ రోల్‌ను కైరా అద్వానీ అత్యంత బోల్డ్‌గా నటించి అందరినీ ఆకట్టుకుంది. ఈ సెగ్మెంట్‌లో స్వయంతృప్తి పొందే ఒక సీన్‌పై జనాల్లో విపరీతమైన చర్చ కూడా జరిగింది. మరి తెలుగు వెర్షన్‌లో కూడా ఈ సీన్ వుంచుతారా లేదా అనేది తెలియాలంటే వేచి చూడాలి.
