బుల్లితెర ప్రముఖ యాంకర్ ఝాన్సీకి కరోనా వైరస్ సోకిందన్న ప్రచారం విస్తృతంగా సాగుతోంది. ఇప్పటికే పలువురు సినీ ప్రముఖులు ఈ వైరస్ బారినపడ్డారు. అలాగే, బుల్లితెరకు చెందిన పలువురు నటీనటులకు కూడా ఈ వైరస్ సోకింది. అదేకోవలో యాంకర్ ఝాన్సీకి కూడా ఈ వైరస్ సోకినట్టు వార్తలు వచ్చాయి.
తాను పూర్తి ఆరోగ్యంతో ఉన్నానని, అసత్య వార్తలు నమ్మి తనకు ఫోన్లు చేయొద్దని విజ్ఞప్తి చేశారు. తన ఆరోగ్యం గురించి ఆరా తీసిన వా‌రికి కృత‌జ్ఞ‌త‌లు తెలిపారు. కాగా, షూటింగుల్లో పాల్గొంటోన్న వారు జాగ్రత్తలు తీసుకోవాలని ఆమె సూచించారు.
