సుమ ఎవరంటే అందరూ యాంకర్ అని టక్కున చెప్పేస్తారు. ప్రస్తుతం ఈమె చేసిన ఓ పోస్టు సోషల్ మీడియాలో వైరల్ అవుతోంది. దశాబ్ద కాలంగా తెరపై ఎన్నో సినీ కార్యక్రమాలను, ఈవెంట్స్‌ చేస్తూ ప్రేక్షకులను అలరించడంలో ముందుండే సుమ.. తన భర్త రాజీవ్ కనకాలతో కలిసి వున్న ఫోటోను నెట్టింట పోస్టు చేసింది. ఈ ఫోటో ప్రస్తుతం సోషల్ మీడియాలో వైరల్ అవుతోంది.
టాలీవుడ్‌లో సుమ, రాజీవ్ కనకాల దంపతులకు మంచి గుర్తింపు వుంది. అయితే ఈ మధ్య కాలంలో సుమ-రాజీవ్ వైవాహిక జీవింత గురించి పెద్ద ఎత్తున రూమర్స్‌ వినిపించాయి. వారి వివాహ బంధంలో విభేదాలు వచ్చాయని, ఇద్దరూ వేరువేరుగా ఉంటున్నారని పుకార్లు షికారు చేశాయి. అంతేకాదు రాజీవ్ నుంచి సుమ విడాకులు కూడా కోరిందని సోషల్ మీడియా కోడైకూసింది.
రాజీవ్ కనకాలను ఆప్యాయంగా హత్తుకుని ఎమోషనల్‌గా భావాన్ని చూపించింది. ''నా ప్రియమైన రాజా.. మై లవ్.. ఎప్పటికైనా నువ్వే నా జీవితం, నువ్వే నా ఆనందం'' అంటూ తమ వైవాహిక జీవితం ఎంత బలంగా ఉందో చాటిచెప్పింది. ఈ పోస్టుపై మిశ్రమ స్పందనలు వస్తున్నాయి.
