కాగా, ఏపీ ప్రభుత్వం కల్పించిన రాయితీల వివరాలను పరిశీలిస్తే, 2020 ఏప్రిల్, మే, జూన్ మాసాలకు విద్యుత్ స్థిర ఛార్జీల చెల్లింపును రద్దు చేసింది. ఇంకా ఆ తదుపరి 6 నెలల కాలానికి చెందిన విద్యుత్ స్థిర చార్జీలను వాయిదాల్లో చెల్లించేందుకు వెసులుబాటు కల్పించింది.
అలాగే, సినిమా థియేటర్లు, మల్టిప్లెక్సులు జూలై 2020 నుంచి డిసెంబర్ 2020 నెలల్లో చెల్లించాల్సిన స్థిర ఛార్జీలను వాయిదాల్లో చెల్లించేందుకు కూడా అవకాశం కల్పించింది. అలాగే బ్యాంకుల నుంచి తీసుకున్న రుణానికి 50 శాతం మేర వడ్డీ రాయితీ కల్పించింది.
కోవిడ్ కారణంగా ఇబ్బందులు ఎదుర్కొంటున్న చిత్ర పరిశ్రమ, అనుబంధ కార్యకలాపాలు, దానిపై ఆధారపడిన కార్మికులకు లబ్దికలిగేలా ఈ ఉత్తర్వులు ఇచ్చినట్లుగా ఏపీ ప్రభుత్వం పేర్కొంది. ఏపీ ప్రభుత్వం ప్రకటించిన రాయితీలపై సినీ పరిశ్రమ హర్షం వ్యక్తంచేసింది.
