సీతమ్మ వాకిట్లో సిరిమల్లె చెట్టు ఫేమ్ అంజలి బాయ్ ఫ్రెండ్, జర్నీ స్టార్ జైని పోలీసులు డ్రంక్ అండ్ డ్రైవ్ కేసులో అరెస్టు చేశారు. కొత్త సినిమా పార్టీలో పండగ చేసుకుని, కారు నడుపుతూ డివైడర్‌ను ఢీకొట్టాడు. దీంతో పోలీసులు అతనిని అరెస్ట్ చేశారు. ఆపై బెయిల్‌పై విడుదల చేశారు. టాలీవుడ్, కోలీవుడ్ సినిమాల్లో బిజీ అయిన తెలుగమ్మాయి అంజలి జైతో ప్రేమలో వున్నట్లు సమాచారం. త్వరలోనే వీరిద్దరూ వివాహం కూడా చేసుకోబోతున్నారని వార్తలు వినిపిస్తున్నాయి.
ఈ ఘటనలో జై కారు డ్యామేజ్ అయ్యింది. సమాచారం తెలుసుకున్న పోలీసులు జైని అరెస్ట్ చేసి ఆపై బెయిల్‌పై రిలీజ్ చేశారు. కాగా జై, అంజలి కలిసి బెలూన్ అనే సినిమాలో నటిస్తున్న సంగతి తెలిసిందే. డ్రంక్ అండ్ డ్రైవ్ కేసులో జై బుక్కవడం ఇది రెండోసారి. 2014లో ఇదే డ్రంక్ డ్రైవ్ కేసులో పట్టుబడిన జైకి పోలీసులు లైసెన్స్ రద్దు చేశారు.
