గ్రామీణ నేపథ్యంగా సాగే క్రైమ్ కామెడీ చిత్రమిది. తాజాగా ఈ చిత్ర కాన్సెప్ట్ పోస్టర్, టైటిల్ ను దర్శకుడు హరీశ్ శంకర్ చేతుల మీదుగా అనౌన్స్ చేశారు. అన్నపూర్ణ ఫొటో స్టూడియో అనే టైటిల్, ఇచ్చట అందంగా ఫొటోలు తీయబడును అనే క్యాప్షన్ ఆకట్టుకునేలా ఉన్నాయి.
ఈ సందర్భంగా హరీష్ శంకర్ మాట్లాడుతూ...చాలా రోజుల తర్వాత ఓ మంచి టైటిల్ చూశాను. అప్పట్లో ప్రతి ఊరిలో ఒక ఫొటో స్టూడియో ఉండేది. ఫొటోస్ ప్రింట్ అయి వచ్చే వరకు మనం ఎదురుచూసేవాళ్లం. 80 దశకం బ్యాక్ డ్రాప్ తో పాటు క్రైమ్ కామెడీ జానర్ ఆకట్టుకుంటుందని ఎక్స్ పెక్ట్ చేస్తున్నాను. టైటిల్, పోస్టర్ డిజైన్ చూడగానే సినిమా చూడాలనే ఆసక్తి కలుగుతోంది. ఆల్ ద బెస్ట్ టు ఎంటైర్ టీమ్. అన్నారు.
దర్శకుడు చెందు ముద్దు మాట్లాడుతూ...మా సినిమా టైటిల్, కాన్సెప్ట్ పోస్టర్ రిలీజ్ చేసిన హరీష్ శంకర్ గారికి థాంక్స్. 80 దశకం నేపథ్యంలో ఒక ఊరిలో సాగే క్రైమ్ కామెడీ చిత్రమిది. గతంలో నా పిట్ట కథ సినిమాను ఆదరించినట్లే ఈ సినిమానూ ఇష్టపడతారని ఆశిస్తున్నాను. అన్నారు.
నటీనటులు : చైతన్య రావ్, లావణ్య, మిహిరా, ఉత్తర, రాఘవ, ఆదిత్య తదితరులు
సాంకేతిక నిపుణులు : సంగీతం - ప్రిన్స్ హెన్రీ, సినిమాటోగ్రఫీ - పంకజ్ తొట్టాడ, ఎడిటర్ - డి వెంకట్ ప్రభు, పీఆర్వో - జీఎస్కే మీడియా, బ్యానర్ -బిగ్ బెన్ సినిమాస్, నిర్మాత - యష్ రంగినేని, రచన దర్శకత్వం - చెందు ముద్దు.
