మిర్చి మ్యూజిక్ అవార్డులు సాధారణంగా సింగర్స్కి ఇస్తారు. కానీ, ఈసారి ఓ హీరోకి ఆ అవార్డు వచ్చింది. అదీ ఎవరో కాదు... మన యంగ్ టైగర్ జూనియర్ ఎన్టీఆర్కి. దక్షిణాది సంగీత పురస్కార సంబరంలో జూనియర్ ఎన్టీఆర్కి స్టార్ యాజ్ ఏ సింగింగ్ సెన్సేషన్ అవార్డు లభించింది.
ఐ వన్నా ఫాలో ఫాలో ఫాలో ఫాలో యు అంటూ, జూనియర్ ఎన్టీఆర్ నాన్నకు ప్రేమతో సినిమాలో పాడిన పాట సూపర్ హిట్ అయిన సంగతి తెలిసిందే. అదే సినిమా కన్నడంలో పునీత్ రాజ్కుమార్ హీరోగా వచ్చింది. అందులోనూ ఈ పాటను కన్నడంలో జూనియర్ ఎన్టీఆర్ పాడాడు. ఏకంగా రెండు భాషల్లో ఈ జనతా గ్యారేజి హీరోకి రెండు అవార్డులు రావడం విశేషం. నిజంగానే జూనియర్ ఎన్టీఆర్ మల్టీ టాలెంటెడ్ కదా.