బాహుబలి ది కంక్లూజన్ చిత్రాన్ని దేశ వ్యాప్తంగా ఇంకా ఎగబడి చూస్తూనే వున్నారు. పొరుగు రాష్ట్రం తమిళనాడులో బాహుబలి క్రేజ్ ఎంతమాత్రం తగ్గలేదు. ఏప్రిల్ 28న విడుదలైన ఈ చిత్రం రెండు వారాలు గడిచిపోయినా ఇంకా అనేక థియేటర్లలో విజయవంతంగా ప్రదర్శించబడుతూనే వుంది. ఏడేళ్ల క్రితం రజినీకాంత్ రోబో చిత్రం సృష్టించిన రికార్డులు గుల్లయ్యాయి. 16 రోజుల్లోనే రూ. 100 కోట్లు వసూలు చేసి ఇంకా ముందుకు దూసుకువెళుతోంది బాహుబలి. తమిళ సినీ ఇండస్ట్రీలోనే ఈ రికార్డును సృష్టించిన చిత్రంగా బాహుబలి నిలిచింది.
