అవును.. సినిమాలకు, రాజకీయాలకు సినీ నటి రమ్య గుడ్ బై చెప్పబోతుందట. హీరోయిన్ రమ్య కన్నడ, తమిళ, తెలుగు భాషల్లో నటించింది. పలు చిత్రాల్లో గ్లామర్ రోల్స్ చేస్తూనే నటనతో కూడా మెప్పించింది. తెలుగులో నటించిన ఏకైక చిత్రం కళ్యాణ్ రామ్ 'అభిమన్యు'. ఈ సినిమా ఆమెకు ఆశించినంత గుర్తింపును సంపాదించిపెట్టలేదు.
మరోవైపు రమ్య రాజకీయాలపై ఆసక్తితో కాంగ్రెస్ పార్టీలో చేరింది. 2013లో కర్ణాటకలోని మాండ్య ఉపఎన్నికల్లో ఆమె ఎంపీగా గెలుపొందారు. ఆ తర్వాత 2014 సార్వత్రిక ఎన్నికల్లో ఓటమి చెందారు. ప్రస్తుతం రమ్య కాంగ్రెస్ పార్టీలో నేతగా వున్నప్పటికీ, రాజకీయాల పట్ల విసుగు చెందినట్లు తెలుస్తోంది. అందుకే ఆమె నటన, రాజకీయాలకు గుడ్ బై చెప్పేసి పెళ్లి చేసుకోవాలని నిర్ణయించుకున్నట్లు వార్తలు వస్తున్నాయి.
