సోగ్గాడి సరసన ''బంగార్రాజు"లో భూమిక?

గురువారం, 11 మార్చి 2021 (19:34 IST)
అక్కినేని నాగార్జున నటించిన సోగ్గాడే చిన్ని నాయన బాక్సాపీస్ వద్ద మంచిటాక్ సంపాదించుకున్న సంగతి తెలిసిందే. 2015లో విడుదలైన ఈ మూవీ మంచి వసూళ్లను రాబట్టింది. సోగ్గాడే చిన్ని నాయన సినిమాలో నాగార్జున పోషించిన బంగార్రాజు పాత్ర ప్రేక్షకుల హృదయాల్లో ఎప్పటికీ నిలిచిపోతుంది. 
 
కళ్యాణ్ కృష్ణ డైరెక్షన్‌లో వచ్చిన ఈ ప్రాజెక్టుకు సీక్వెల్ వస్తుందని నాగార్జున రీసెంట్‌‌గా ప్రకటించిన సంగతి తెలిసిందే. సోగ్గాడే చిన్నినాయన చిత్రంలోని బంగార్రాజు పాత్రకు కొనసాగింపుగా ఈ సినిమా రానుంది. 
 
నటీనటుల్ని ఖరారు చేయటంలో చిత్రబృందం బిజీగా ఉందని తెలుస్తోంది. ఈ చిత్రంలో నెగిటివ్ షేడ్స్ ఉన్న పాత్రలో సీనియర్ నటీ భూమిక కనిపిస్తారనే ప్రచారం జరుగుతోంది. ఇందులో బంగార్రాజు సరసన నటిస్తుందో లేకుంటే విలన్ రోల్‌లో కనిపిస్తుందో అనేది సస్పెన్స్. 
 
నాగార్జునతో 20 ఏళ్ళ క్రితం స్నేహమంటే ఇదేరా సినిమాలో కనిపించిన విషయం తెలిసిందే. ఇక మళ్ళీ ఇన్నాళ్లకు బంగార్రాజు సినిమాలో నెగిటివ్ పాత్రలో దర్శనమివ్వనున్నట్లు సమాచారం. ఈ సినిమా రెగ్యులర్ షూటింగ్ జులై నుంచి మొదలుకానుంది. ఇక నాగార్జున నటించిన' వైల్డ్ డాగ్' ఏప్రిల్ 2న థియేటర్లలోకి వస్తున్న సంగతి తెలిసిందే. 

వెబ్దునియా పై చదవండి

సంబంధిత వార్తలు