ముంబైలో జరిగిన ఓ రేవ్ పార్టీలో బాలీవుడ్ స్టార్ హీరో పాల్గొనగా, అతనితో పాటు నలుగురిని పోలీసులు అదుపులోకి తీసుకున్నట్టు సమాచారం. ఈ మధ్యకాలంలో చిత్రపరిశ్రమను డ్రగ్స్ వ్యవహారం కలకలం రేపుతున్న విషయం తెల్సిందే. తాజాగా అటువంటిదే ముంబై తీరంలో జరిగింది. నార్కోటిక్స్ కంట్రోల్ బ్యూరో (ఎన్‌సీబీ)కు ఓ షిప్‌లో రేవ్ పార్టీ జరుగుతున్నట్లు సమాచారం అందింది.
వీరిలో ఒకరు షారుఖ్‌ఖాన్‌ కుమారుడు ఆర్యన్‌ ఖాన్‌ కూడా ఉన్నట్లు సమాచారం. అదుపులోకి తీసుకున్న వారిలో హర్యానా, ఢిల్లీకి చెందిన ఇద్దరు డ్రగ్ పెడ్లర్లు ఉన్నట్లు తెలుస్తోంది. 7 గంటల సుదీర్ఘ ఆపరేషన్ తర్వాత స్టార్ హీరో కొడుకుతో పాటు 10 మందిని అరెస్టు చేసినట్లు ఎన్‌సీబీ అధికారి ఒకరు తెలిపారు.
