చైతు, స‌మంత ప్ర‌య‌త్నం ఫ‌లించేనా..?

శనివారం, 14 జులై 2018 (19:29 IST)
రాహుల్ ర‌వీంద్ర‌న్ హీరోగా ఆశించిన స్ధాయిలో స‌క్స‌స్ కాక‌పోవ‌డంతో ద‌ర్శ‌కుడిగా మారి చిలసౌ సినిమా చేసాడు. ఇందులో సుశాంత్ హీరోగా న‌టించాడు. ఈ చిత్ర నిర్మాత ఆఖ‌రి నిమిషంలో చేతులు ఎత్తేయ‌డంతో ఆఖ‌రికి అన్న‌పూర్ణ స్టూడియోస్ సంస్థ ఆదుకోవాల్సి వ‌చ్చింది. అయితే.. అస‌లు ఈ క‌థను ముందుగా రాహుల్ ర‌వీంద్ర‌న్ చైత‌న్య‌, స‌మంత ఇద్ద‌రికీ చెప్పాడ‌ట‌. కథ విన్న చైత‌న్య‌, స‌మంత సుశాంత్‌తో ఈ సినిమా చేయ‌మ‌ని స‌ల‌హా ఇచ్చార‌ట‌.
 
వీరిద్ద‌రి స‌ల‌హా మేర‌కు రాహుల్ సుశాంత్‌తో ఈ సినిమా చేసారు. ఈ సినిమాని త‌క్కువ టైమ్‌లో కంప్లీట్ చేయ‌డం.. ఇది బాగా రావ‌డంతో అన్న‌పూర్ణ సంస్థ రాహుల్ ర‌వీంద్ర‌న్‌తో సినిమా చేసేందుకు ముందుకు వ‌చ్చింది. ఇందులో నాగ‌చైత‌న్య న‌టించ‌నున్నాడు అనే టాక్ వినిపిస్తోంది. ఇదిలా ఉంటే... రాహుల్ తొలి ప్ర‌య‌త్నం స‌క్స‌స్ చేసేందుకు చైత‌న్య‌, స‌మంత రంగంలోకి దిగి బాగా ప్ర‌మోట్ చేస్తున్నారు. ఈ నెల 27న చిల‌సౌ ప్రేక్ష‌కుల ముందుకు రానుంది. మ‌రి.. చైత‌న్య‌, స‌మంత ప్ర‌య‌త్నం ఫ‌లించి సుశాంత్, రాహుల్‌కి విజ‌యం వ‌స్తుంద‌ని ఆశిద్దాం.

వెబ్దునియా పై చదవండి

సంబంధిత వార్తలు