ప్రియా వారియర్ నటించిన పాటను తొలగించండి... ముస్లిం సంఘాలు

సోషల్ మీడియా సెలెబ్రిటీ ప్రియా వారియర్‌కు వివాదాలు తప్పేలా లేవు. ముస్లిం మనోభావాలను దెబ్బతీసేలా ప్రియా వారియర్ సైగలున్నాయని ఇప్పటికే కేసు నమోదైన నేపథ్యంలో.. ఆపె కనిపించిన పాటపై ముస్లింలు మండిపడుతున్నారు. ఈ మేరకు ఆ పాటను నిషేధించాలని డిమాండ్ చేస్తూ.. హైదరాబాద్ ఓల్డ్ సిటీలోని ఓ పోలీస్ స్టేషన్‌లో కేసు నమోదు చేశారు. 

మలయాళ నటి ప్రియా వారియర్ నటించిన ''ఒరు ఆదార్ లవ్'' సినిమాలోని ''మాణిక్య మలరాయ పూవీ'' పాటను తొలగించాలని ముంబైకి చెందిన పలు ముస్లిం సంఘాలు డిమాండ్ చేస్తున్నాయి. ఈ పాట మహమ్మద్ ప్రవక్త భార్యను తప్పుగా చూపిస్తోందని రజా అకాడమీ వ్యవస్థాపక అధ్యక్షుడు సయీద్ నూరీ వెల్లడించారు.

ఇదిలా ఉంటే.. టాలీవుడ్ ఫిల్మ్ మేకర్స్ ప్రియా వారియర్ కోసం ప్రయత్నిస్తున్నారని తెలిసింది. మెగాహీరోల సినిమాలతో పాటు యువహీరో నిఖిల్ సరసన ఈ కేరళ భామ నటించబోతోందనే వార్తలు తెరపైకి వచ్చాయి.