న‌టి ముంతాజ్‌పై గృహ‌హింస కేసు న‌మోదుఅయింది. రెండురోజుల‌క్రితం ఆమెపై ఇద్ద‌రు మ‌హిళ‌లు చెన్నై పోలీసుల‌కు ఫిర్యాదు చేశారు. అన్నాన‌గ‌ర్‌లో వుంటున్న ముంతాజ్ ఇంటిలో యు.పి.కి చెందిన ఇద్ద‌రు మ‌హిళ‌లు ప‌నిచేస్తున్నారు. అందులో ఒక‌రు మైన‌ర్‌. గ‌త ఆరేళ్ళుగా ఇక్క‌డే ప‌నిచేస్తున్నామ‌నీ, చాలాసార్లు త‌మ ఊరు వెళ‌తామంటే చిత్ర‌హింస‌ల‌కు గురిచేసింద‌నీ, ఇక‌పై ఈమె ద‌గ్గ‌ర ప‌నిచేయ‌మ‌ని పోలీసుల ఫిర్యాదులో ఆ బాలిక పేర్కొంది. అన్నాన‌గ‌ర్ పోలీసుల‌కు ఓ పోన్‌కాల్ రావ‌డంతో దాని ఆధారంగా ముంతాజ్ ఇంటికి వ‌చ్చారు. అక్క‌డున్న ఇద్ద‌రు మ‌హిళ‌ల‌ను విచారించారు.
