జలాంతర్గామి నేపథ్యంలో తెరకెక్కిన తొలి భారతీయ చిత్రంగా పేరు తెచ్చుకొన్న "ఘాజీ" అశేష అభిమానాన్ని చూరగొంది. ఇప్పుడు "ఘాజీ" చిత్రంపై తెలుగు చిత్రసీమకు చెందిన అగ్ర దర్శకులు ప్రశంసల వర్షం కురిపిస్తున్నారు. తెలుగు, తమిళ, హిందీ భాషల్లో విజయవంతంగా ప్రదర్శితమవుతున్న "ఘాజీ" చిత్రంపై ప్రముఖ దర్శకులు చేసి ట్వీట్లు..
కొరటాల శివ: "ఘాజీ" చిత్రాన్ని చూస్తున్నంతసేపూ ఒక అపురూపమైన అనుభూతికి లోనయ్యాను. దర్శకుడు సంకల్ప్ అండ్ టీం చాలా ఎఫెర్ట్ పెట్టి ఈ చిత్రాన్ని తెరకెక్కించారు. అర్జున్‌గా రానా సబ్ మెరైన్‌ను ఎంత చాకచక్యంతో నడిపించాడో దర్శకుడు అంతకుమించిన నేర్పుతో చిత్రాన్ని తెరకెక్కించాడు. కథను నమ్మి ఈ చిత్రాన్ని నిర్మించిన నిర్మాతలకు నా శుభాకాంక్షలు. నా స్నేహితుడు మధి సినిమాటోగ్రఫీని ప్రత్యేకంగా మెచ్చుకొని తీరాలి.
వీరితోపాటు దర్శకులు తేజ, మారుతి, నటి సమంత, హీరో నాగ చైతన్య వంటి పలువురు చిత్ర ప్రముఖులు కూడా "ఘాజీ" చిత్రాన్ని, చిత్ర బృందాన్ని అభినందించారు.
