ఆస్కార్ పురస్కారాలు ప్రధానంగా హాలీవుడ్ చిత్రరంగానికి చెందినా, ఉత్తమ విదేశీ భాషా చిత్రం కేటగిరీ కారణంగా ఆస్కార్ అంటే అందరిలోనూ క్రేజ్ పెరిగిపోయింది. ఈ కేటగిరీలో పోటీ పడేందుకు ప్రతి దేశం నుంచి ఆస్కార్‌కు నామినేషన్లు వెళుతుంటాయి.
భారత్ నుంచి ఆస్కార్‌కు వెళ్లే చిత్రం కోసం జ్యూరీ 28 సినిమాలను వీక్షించి వాటిలో 'గల్లీబాయ్'కే ఓటేసింది. కాగా, ఆస్కార్ నామినేషన్ కోసం విజయ్ దేవరకొండ నటించిన టాలీవుడ్ మూవీ 'డియర్ కామ్రేడ్' చిత్రం కూడా రేసులో నిలిచింది. అయితే జ్యూరీ సభ్యులు 'గల్లీబాయ్' వైపే మొగ్గుచూపారు.
